ප්‍රශ්නගත ප්‍රමිතියෙන් තොර ප්‍රතිදේහ එන්නත් සිදුවීම සම්බන්ධයෙන් රක්ෂිත බන්ධනාගාර ගත කර සිටින හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 08 දෙනෙකු ජුනි මස 14 වනදා දක්වා තවදුරටත් රක්ෂිත බන්ධනාගාර ගත කිරීමට මාලිගාකන්ද මහේස්ත්‍රාත් අධිකරණය අද (03) නියෝග කළා.
මාලිගාකන්ද මහේස්ත්‍රාත් ලෝචනී අබේවික්‍රම මහත්මිය විසින් මෙම නියෝගය නිකුත් කළේ අදාළ නඩුව අද යළි කැඳවීමෙන් පසු පැමිණිල්ල සහ විත්තිය වෙනුවෙන් සිදුකරන ලද කරුණු සලකා බැලීමෙන් පසුවයි.
කෙසේ වෙතත් අදාළ නඩුවේ සිව්වන සැකකරු ලෙස නම්කර සිටින සෞඛ්‍ය අමාත්‍යාංශයේ වෛද්‍ය සැපයුම් අංශයේ ගණකාධිකාරි නෙරාන් ධනංජය නැමැත්තා ඇප මත මුදා හැරීමට මහේස්ත්‍රාත්වරිය නියෝග කළා.
ඒ සැකකරු වෙනුවෙන් පෙනී සිටි නීතිඥයින් සිදුකළ කරුණු දැක්වීම සලකා බැලීමෙන් අනතුරුවයි.
තවත් පුවත්
No items found.
අප හා සම්බන්ධ වන්න!
