ශ්‍රී ලංකා නීතිඥ සංගමය තුළ සිදුවූ

ප්‍රශ්නගත මුල්‍ය ගනුදෙනුව පිළිබඳ

ආන්දෝලනාත්මක හෙළිදරව්ව....

‍

රටක් තුළ දූෂණයෙන් තොර සමාජයක් බිහිකිරීමට ආධාරවන ප්‍රමුඛතම මෙවලමක් වන්නේ එකී රට තුළ ක්‍රියාත්මක වන්නාවූ නීති පද්ධතියයි.

එබැවින් එම නෛකික පද්ධතිය බලගන්වන රටේ නීතිඥ ප්‍රජාවද දූෂණයෙන් තොර සමාජයක් බිහි කිරීමට  බැඳී සිටිනවා.

එවැනි වූ වටපිටාවක එකී නීතිඥ ප්‍රජාව හටම දූෂණය සහ වංචාව පිළිබඳ චෝදනා එල්ල වන්නේ නම් කොතරම් ඛේදජනකද?

මේ වර්තමානයේ මහත් ආන්දෝලනයකට තුඩු දී ඇති  ශ්‍රී ලංකා නීතිඥ සංගමය තුළ සිදු වූයේ යැයි පැවසෙන පාරදෘෂ්‍ය භාවයෙන් තොර මුල්‍ය ගනුදෙනුව පිළිබඳ සිදුකරන ගවේෂණාත්මක වාර්තාකරණයක්.

‍

මොකක්ද මේ ප්‍රශ්නගත ජයිකා මූල්‍ය ගනුදෙනුව..?

ජපානයේ ජාත්යන්තර සහයෝගිතා නියෝජිතායතනය හෙවත් " ජයිකා " (JICA) ආයතනය දූෂණ මර්දන ව්යාපෘතියක් සඳහා 2023 වසරේ අවසන් භාගයේ ලංසු කැඳවා තිබූ අතර ඊට ශ්රී ලංකා නීතිඥ සංගමය ඉදිරිපත් වීමෙන් පසු රුපියල් මිලියන 24ක අරමුදලක් එම සංගමයට ලැබී තිබුණා.

අදාළ ලංසු තැබීමේදී හා ගිවිසුම්වලට එළඹීමේදී පාරදෘෂ්‍යභාවයෙන් හා විනිවිදභාවයෙන් යුතුව කටයුතු නොකිරීම පිළිබඳයි ශ්‍රී ලංකා නීතිඥ සංගමයේ සංගමයේ නිලධාරින් කිහිපදෙනෙකුට මෙලෙස චෝදනා එල්ල වී ඇත්තේ.

චෝදනා එල්ල වන නීතිඥ සංගමයේ ඉහළ නිලධාරීන් කව්ද..?

මෙලෙස ජයිකා අරමුදල භාවිතයේදී පාරදෘෂ්‍යභාවයෙන් හා විනිවිදභාවයෙන් යුතුව කටයුතු නොකිරීම සම්බන්ධයෙන් ප්‍රධානතම චෝදනාවට ලක්ව ඇති තැනැත්තා වන්නේ ශ්‍රී ලංකා නීතිඥ සංගමයේ සභාපති ජනාධිපති නීතිඥ කෞශල්‍ය නවරත්න මහතායි.

එමෙන්ම එම සංගමයේ උප සභාපති ජනාධිපති නීතිඥ නලින්ද ඉන්දතිස්ස, ජනාධිපති නීතිඥ ශවින්ද්ර ප්රනාන්දු, නීතිඥ නුවන් ඩි අල්විස් සහ නීතිඥ රෂ්මිනි ඉන්දතිස්ස යන මහත්ම මහත්මීන්ට මේ සම්බන්ධයෙන් චෝදනා එල්ල වී තිබෙනවා.

එල්ල වන චෝදනා මොනවාද?

ශ්‍රී ලංකා නීතීඥ සංගමයේමයට සම්බන්ධ පාර්ශ්ව කිහිපයක් පවසන්නේ එම අරමුදල එකී සංගමයේ විධායක කමිටුවේ දැනුවත්වීමකින් තොරව සම්පත්දායකයින් අතර බෙදාහැර ඇති බවයි.

ඒ අනුව නීතිඥ සංගම් සභාපති කෞශල්‍ය නවරත්න මහතාට රුපියල් මිලියන 06ක්ද , උප සභාපති නලින්ද ඉන්දතිස්ස මහතාට රුපියල් මිලියන 03ක් සහ ජනාධිපති නීතිඥ ශවින්ද්‍ර ප්‍රනාන්දු මහතාට රුපියල් මිලියන 03ක් වශයෙන් වෙන්කරමින් චෙක්පත් නිකුත් කර ඇති බවයි අදාළ පාර්ශ්ව පවසන්නේ.

කෙසේ වෙතත් නලින්ද ඉන්දතිස්ස මහතා අදාළ ගෙවීම ලබාගැනීම මුල් අවස්ථාවේදිම ප්‍රතික්ෂේප කර ඇති බවද වාර්තා වනවා.

එමෙන්ම කිසිදු නිර්ණායකයක් පෙන්වීමෙන් තොරව වැඩසටහනට සම්බන්ධ කරගත් නීතිඥ නුවන් ඩි අල්විස් මහතාට සහ නීතිඥ රෂ්මිනි ඉන්දතිස්ස මහත්මියට රුපියල් මිලියන 5 බැගින් ගෙවීම් සිදුකර ඇති බවද අදාළ පාර්ශ්ව පවසනවා.

කෙසේ වෙතත් පසු අවස්ථාවකදී ජනාධිපති නීතිඥ කෞශල්‍ය නවරත්න, නීතිඥ නුවන් ඩි අල්විස් සහ නීතිඥ රෂ්මිනි ඉන්දතිස්ස තමන් වෙත ලද මුදල් යළි නීතිඥ සංගමයට ලබා දී ඇති බවද සඳහන්.

මෙහිදි නීතිඥ සංගම් සභාපතිවරයාට එල්ල වී ඇති ප්‍රබලතම චෝදනාව බවට පත්ව ඇත්තේ මෙකී ජයිකා මුල්‍ය ගනුදෙනුව පිළිබඳව ශ්‍රී ලංකා නීතිඥ සංගමයේ විධායක කමිටුව සහ Bar Councilය දැනුවත් නොකිරීමයි.

ප්‍රශ්නගත මුල්‍ය ගනුදෙනුව පිළිබඳ නීති ක්ෂේත්‍රය ඇවිලෙයි...

මෙම විනිවිදභාවයෙන් තොර ක්‍රියාදාමයන් ගතවූ සති කිහිපයේ ශ්‍රී ලංකා නීතිඥ සංගමයේ අභ්‍යන්තරයේ දැඩි මතභේදයකට තුඩු දී තිබු අතර ඒ පිළිබඳ ප්‍රමුඛ පෙළේ ජාතික පුවත්පත් කිහිපයක්ද වාර්තා කර තිබුණා.

එවැනි පසුබිමක ඉකුත් මැයි 16 වනදා ශ්‍රී ලංකා නීතිඥ සංගමයේ විශේෂ විධායක කමිටුවක් රැස්වී ඇති අතර එහිදි  ජනාධිපති නීතිඥ සාලිය පීරිස්, ජනාධිපති නීතිඥ චන්දන ලියනපටබැඳී, ජනාධිපති නීතිඥ උපාලි ගුණරත්න, ජනාධිපති නීතිඥ උපුල් ජයසූරිය ඇතුළු පිරිසක් මෙම විනිවිදභාවයෙන් තොර ගනුදෙනුව පිළිබඳ නීතිඥ සංගම් නිලධාරි මණ්ඩලයෙන් දැඩිව ප්‍රශ්න කර තිබෙනවා.

අනතුරුව ශ්‍රී ලංකාවේ සියලුම නීතිඥ සංගම්වල නියෝජිතයින්ගේ සහභාගිත්වයෙන් බාර් කවුන්සලය රැස්වී ඇති අතර එහි මුලසුන දැරීමටද නීතිඥ සංගම් සභාපති කෞශල්‍ය නවරත්න මහතාට අවස්ථාව හිමිව නැහැ.

අදාළ රැස්වීමේදී ශ්‍රී ලංකා නීතිඥ සංගමයේ හිටපු සභාපති ජනාධිපති නීතිඥ සාලිය පීරිස් මහතා මෙම විනිවිදභාවයෙන් තොර ගනුදෙනුව දැඩිව විවේචනයට ලක්කරන අයුරු දැක්වෙන ජංගම දුරකථනයෙන් පටිගත කළ වීඩියෝවක්ද මේ වන විට නීතිඥ ප්‍රජාව අතර සංසරණය වනවා.

‍

“යුක්තිය ඉටුවීම පමණක් නොව, යුක්තිය ඉටුවන බව පෙනෙන්නට පැවතිය යුතුය” යන්න ස්වාභාවික යුක්තියේ මූලධර්මයක්.

එමෙන්ම නීතියේ දෙව් දුවගේ දෑස් බැද ඇත්තේ නිලය, බලය, ධනය වැනි කරුණු ඉදිරියේ වෙනස් නොවී සියලු දෙනාටම සමානව නීතිය ක්‍රියාත්මක වන බව පසක් කිරීමටයි.

එබැවින් ප්‍රශ්නගත මෙම ජයිකා අරමුදල භාවිතය සම්බන්ධයෙන් සිදුකෙරෙන විමර්ශන පිළිබඳවත්, ඉදිරි නෛතික ක්‍රියාමාර් ග පිළිබඳත් රටේ පරමාධිපත්‍යය බලය හිමි පුරවැසියා දෑස් දල්වා බලා සිටිනු ඇත.

‍

‍

‍

‍

‍