ජ්‍යෙෂ්ඨ අතිරේක සොලිසිටර් ජනරාල් ජනාධිපති නීතිඥ පාරින්ද රණසිංහ මහතා වැඩබලන නීතිපතිවරයා ලෙස අද (01) පෙරවරුවේ දිවුරුම්දී තිබෙනවා.

ඒ අගවිනිසුරු ජයන්ත ජයසූරිය මහතා ඉදිරියේයි.

නීතිපතිවරයා ලෙස කටයුතු කළ සංජේ රාජරත්නම් මහතාගේ ධුර කාලය පසුගිය 26 වැනිදායින් අවසන් වුණා.

ඒ අනුව වැඩබලන නීතිපති ධුරයට පාරින්ද රණසිංහ මහතා පත්කර ඇති අතර ඔහුගේ නම ඉදිරියේදී නීතිපති ධූරය සඳහා ව්‍යවස්ථාදායක සභාව වෙත යොමුකිරීමට නියමිත බව වාර්තාවනවා.

පාරින්ද රණසිංහ (Jr) මහතා මෙරට හිටපු අගවිනිසුරුවරයෙකු වන කේ.ඒ.පාරින්ද රණසිංහ මහතාගේ පුත්‍රයෙක්.

ඒ මහතා 1993 වසරේ නීතිපති දෙපාර්තමේන්තුවේ සේවයට පැමිණ ඇති අතර එතැන් පටන් අද දක්වා වසර 31ක කාලයක් එම දෙපාර්තමේන්තුවේ විවිධ නිලතල හොඹවා තිබෙනවා.

‍