කුරුවිට බන්ධනාගාරයේ රැඳවියන් දෙදෙනෙක් අද (28) නීති කෘත්‍යක් සඳහා වරකාපොළ තුල්හිරිය මහෙස්ත්‍රාත් අධිකරණයට රැගෙන එමින් සිටියදී බන්ධනාගාර නිලධාරින් තල්ලුකර පළාගොස් තිබෙනවා.

මෙලෙස පැනගොස් ඇත්තේ ගෝනපොළ පදිංචි රොෂාන් අසංක කන්දප්පා නමැති අයෙක් සහ හොරණ දවුලගලවත්ත පදිංචි ජේ.ඩී.චන්න ප්‍රබෝද නැමැති සැකකරුවන් දෙදෙනෙක්.

සැකකරුවන් අවුරුදු 24 සහ 29 වයස්වල පසුවන්නන්.

මෙම සැකකරුවන් දෙදෙනාට පැල්මඩුල්ල, අත්තනගල්ල, හොරණ සහ වරකාපොළ යන අධිකරණවල නඩු රැසක් පවතින බවද වාර්තාවනවා.

සැකකරුවන් දෙදෙනා මාංචු සමඟ පළාගොස් ඇති අතර ඔවුන් සොයා වරකාපොළ පොලීසිය විමර්ශනයක් ආරම්භ කර තිබෙනවා.

ඊට පොලිස් සුනඛයින්ගේ ද සහාය ලබාගන්නා බවයි වාර්තා වන්නේ.

‍